We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Retorno a Tagen Ata

by Dioivo

supported by
kekorebeko
kekorebeko thumbnail
/
1.
Retorno a Tagen Ata (con Xosé Luís Méndez Ferrín) 11:12
lyrics
buy track
I Todo o bosco brilaba cunha estreliña en cada folla. Eu camiñaba en dirección da estrada real vella. A grande fraga de Tagen Ata era unha campán enorme onde resoaba o arruallo do meu corazón. Que emoción fonda a miña, introducíndome na fraga, en percura do meu! II (Rotbaf Luden, nacida na illa de Anatí, regresa a Tagen Ata, a súa terra natal asoballada polo imperio de Terra Ancha. Envíalle a Irmandade de Tagen Ata, a ITA, que loita pola liberación do país, para entrevistarse co seu líder, o célebre poeta Ulm Roan) III (Unha vez en Tagen Ata, diríxese onda o contacto que lle debería levar a Ulm Roan, nunha taberna da pequena aldea de Ok) IV Rotbaf: Chámome Rotbaf, da ITA do esterior. Veño visitar a Ulm Roan. Taberneiro de Ok: Silencio! Nin nome nin siglas poden ser pronunciadas. Non esiste esa organización. Rotbaf: Débeme levar! Taberneiro de Ok: Pode ir soa! Xa non hai que tomar precaución ningunha hoxe en día pra ir onda Ulm Roan. (Confusa, Rotbaf pídelle a dirección de Ulm Roan ao taberneiro. Antes de dirixirse onda el, decide pasar pola casa da súa tía Natalia, que reside na cidade industrial de T) V (Natalia recibe a Rotbaf, e ela participa dunha das tertulias que adoita albergar na súa casa con coñecidos do ámbito intelectual da cidade) Natalia: Pensa que estás en T, Aquí residen os obreiros do arrabaldo do Norte. Eles endexamais poderán apoiar o nacionalismo de Ulm Roan. Convidados: Nunca apoiarán, non, o vello xeito de entender Tagen Ata que ten Ulm Roan. Nunca apoiarán, non, o vello xeito de entender Tagen Ata que ten Ulm Roan. VI (Finalmente, Rotbaf diríxese ao chalet de Ulm Roan, onde agarda despexar todas as dúbidas xurdidas dende a súa chegada a Tagen Ata) Ulm Roan: Non podo salvar o país! Non podo facer outra cousa que poemas e salvar as esencias, a fala. Non máis que o barco do máis grande naufraxio. Son moitos séculos de sombra, Rotbaf. Hai cousas que o esterior iñora, esqueza a organización Vivides desconectados do país. Xa non hai máis que falar, xa a ITA se disolveu e o responsable son eu! Pois Terra Ancha ten xa unha lei autonómica que recoñece a língoa e as obras públicas xa. Xa non hai máis que loitar. Xa non máis resistencia. VII –A benevolencia de Terra Ancha pódese vir abaixo. Os cimarróns pódeno desfacer todo –dixo Ulm. –E quen son os cimarróns? –Os cimarróns son os campesiños que se revoltan, e tras de prantexaren reclamacións imposibles, cometen actos de violencia. Ulm Roan: En contubernio cos obreiros, en contra da xustiza natural. A autonomía vense abaixo se a Terra Ancha conquiren irritar. Inda non o sabes todo! Eles son criminais que adoutaron a bandeira nacional e proclámanse, proclámanse milicia da ITA. Os seus verdadeiros fins son desposuir aos señores naturás e ós propietarios honestísimos das factorías de T, e imprantaren por todas partes a anarquía social. Eles son criminais que adoutaron a bandeira nacional e proclámanse, proclámanse milicia da ITA. E os patriotas disolvimos a ITA pra nos presentar cunha face distinta cunha face distinta ante Terra Ancha. VIII Ulm Roan, estás trabucado, que é a maneira máis académica que atopo para dicir que es un traidor. Sei que non collerás o bon camiño porque fas parte da grea dos poderosos, mesmo lle das beleza e coor aos seus principios. Serás, seredes rebasados. O vento da historia sopra de outro ponto. Adeus pra sempre. Rotbaf IX

about

O noso último proxecto é unha nova adaptación musical dunha obra clásica da literatura galega; neste caso, da novela de Xosé Luís Méndez Ferrín Retorno a Tagen Ata, publicada orixinalmente en 1971. Este breve pero influínte libro vén de cumprir 50 anos, e a modo de homenaxe decidimos lanzar unha canción na que, a través da guitarra, a batería e a voz, recrear a súa historia dun novo xeito. O resultado foi un tema de 11 minutos de duración onde a influencia do metal progresivo se aprecia máis que nunca.

Porén, isto non foi a única novidade. O propio Méndez Ferrín participou na gravación, facendo de narrador ao longo de todo a canción. Para nós foi unha honra inmensa poder contar cunha persoa da súa importancia na nosa literatura. Tamén destaca que o tema foi gravado, mesturado e masterizado en Vigo por Dany Soengas, membro de Atreides e Skydancer. E, como non, realizamos un vídeo para acompañar o lanzamento no que interpretamos a composición enteira nos Estudios Metrópolis Vigo, dirixido por Brais Gómez Salvador: www.youtube.com/watch?v=K_InIWWyUM4

credits

released June 26, 2021

Daniel Valladares Otero: batería e percusión
Jacobo Mouriño Almeida: guitarras e voz
Xosé Luís Méndez Ferrín: narracións

Gravado, mesturado e masterizado por Dany Soengas en DS Audio, Vigo.

Agradecementos especiais a Oriana Méndez e a Estudios Metrópolis.

license

tags

about

Dioivo image

Dioivo Vigo, Spain

Somos un dúo de metal extremo en galego formado en Vigo en 2016. Dende ese ano temos gravado entre outros dous EPs e dous álbumes, e tocado por toda Galicia e noutras partes do Estado español xunto ás principais bandas da escena subterránea do noso país.

Daniel Valladares Otero: batería. Jacobo Mouriño Almeida: guitarra e voz. ... more

shows

contact / help

Contact Dioivo

Streaming and
Download help

Redeem code

Report this album or account

If you like Dioivo, you may also like:

Bandcamp Daily  your guide to the world of Bandcamp

On Bandcamp Radio

Saxophonist Isaiah Collier chats about his new LP and the influence of Pharoah Sanders.
listen now