|
1. |
|
|
|
|
Ei, oe, oe, irmán, os cañóns soan lonxe
Será que alguén conseguíu
facer algunha guerra, outra guerra?
"Soldados valientes os haréis luchando en ella",
nos decían polos bares e os lares da vida
Berro de á carga, direito ó enemigo
Espidas armas avanzan cara seu destino
Barullo, fume, cruzan balas ó vento
e un estoupido fai que no chan a testa pense soa
E ti, por quen loitas? E ti, por quen matas?
Sementar a morte, matar por non morrer
E o sangue corre, tinxindo unha bandeira
Xenerais lonxe da escea preocupados por gañar
Sen dubidar, vidas alleas sacrifican pola patria
Xente condenada a incerto subsistir
Por causa de etnias e de fronteiras
E ti, por quen loitas? E ti, por quen matas?
E ti, por quen loitas? E ti, por quen matas?
Nunha besta convertida, a batalla rematou
Seus dominios, ignorados pola masa sometida
Loita fratricida, xenreira sen final
Paz significa deserción en cadea
E ti, por quen loitas? E ti, por quen matas?
|
Ferro e Pedra: Homenaxe ós Precursores é unha recompilación lanzada con motivo do Día das Letras Galegas 2023, na que 10 bandas actuais rendemos tributo á 10 bandas galegas históricas, xa extintas pero que foron clave na escena das nosas cidades e vilas. Nós eliximos para versionar a canción "Unha de Guerra", da lendaria banda viguesa de hardcore punk e crossover thrash Desvirgheitors. Aquí a tedes!
Nesta canción tivemos a inmensa honra de colaborar coa baixista, fundadora e compositora de Desvirgheitors, Pili Dios. Unha pioneira da escena á que admiramos moito. Mil grazas, Pili! Lembrade que este tema foi incluído en 1992 na compilación contra o servizo militar Deserción, e ao ano seguinte no LP homónimo da mítica banda.
Polo momento as cancións da recompilación só están dispoñibles para ser escoitadas en liña, pero estamos traballando nunha edición en físico con máis sorpresas. As bandas que temos lanzado a recompilación dixital somos. Aquelarre, Amenaza de Muerte, Barbarian Prophecies, Dioivo, Mileth, Pneura, Schwarzenegger, Somos Nos, Xerión e Xhamain. Ademais da de Desvirgheitors, aparecen cancións de Los Piratas, Mutant Squad, Épsilon, Nordés, Los Suaves, Consumatum Est, Mol, Detestor e Nowhere.
Podedes escoitar o tema orixinal aquí:
www.youtube.com/watch?v=4wvp1PdHyBQ